Da Löwenzahn
unvawüstlich
vafluacht und bekämpft
en englischn Rasn
lästige Plag
de koana mag
i magn scha
weil er vü ka
da Löwenzahn
ois Salat
des hantige
gegns grantige
Da Erdholler
tiaf verwurzelt
verteiföt und bekämpft
en Blumenbeet
lästige Plag
de koana mag
i magn scha
weil er vü ka
da Erdholler
kostbarer Fund
mocht gsund
richt d´Gicht
D´Brennnessl
anspruchslos
gfiacht´und bekämpft
des beißat Kraut
lästige Plag
de koana mag
i mags scha
weils vü ka
de Brennnessl
is guat
fias Bluat
fia d´Lebnslust
is uns bewusst
wöche Schätz´ en Gartn
af uns wartn?
Aus: "De eiweni Seitn",
Carmen Wurm, innsalz 2017
Kommentar schreiben